A II Exposición de Fotografía do Club de Xubilados de Lousame poderá visitarse todos os domingos polas tardes en Aldeagrande

17 Maio 2021

O local do Club de Xubilados de Lousame, en Aldeagrande, acolle dende hoxe a II Exposición Etnográfica de Fotografía do Club de Xubilados de Lousame. Un proxecto organizado pola asociación de maiores do municipio en colaboración co Concello de Lousame, Xacobeo 2021, a Deputación da Coruña e a Fegamp.


A mostra está composta por un total 99 fotografías antigas, de entre os anos 30 e 60 do século pasado, das 115 imaxes que foron achegadas por unha vintena de maiores do municipio (as 16 restantes quedaron fora debido ao seu mal estado de conservación). A temática das instantáneas é moi variada: dende imaxes clásicas na escola ou en vodas, ata varias imaxes de veciños de Lousame facendo o Servizo Militar ou en calquera das festas das distintas parroquias. Retratos e fotos de marisqueo xúntanse coas dos primeiros vehículos aparecidos no municipio e, incluso, as primeiras actuacións de Prudencio Romo coa orquestra Brasil.
O presidente do Club de Xubilados de Lousame, Francisco Avelino García Nieto, encargado de inaugurar a mostra, explica que “dado o éxito da exposición do ano 2020 nos vimos obrigados a facer outra para dar cabida a todas as fotografías que nos fixeron chegar os socios e socias da nosa entidade”. “Como anécdota, quero recordar a visita no verán duns galegos que viven en Barcelona. Resulta que viron a través das redes sociais a foto dun familiar e viñeron ata Lousame a ver e pedir a fotografía”, sinala.
García Nieto salienta que “detrás desta exposición hai moito traballo de recollida, escaneo, arranxo dixital, impresión, colocación… pola que agradecemos a colaboración do persoal dos departamentos de Cultura e Voluntariado do Concello xa que, sobre todo, detrás desta exposición está a ilusión de moitas persoas”. Neste sentido, indica que “na anterior mostra superamos con moito as expectativas de público. E con esta confiamos en repetir”.
Horario de visita
Para evitar aglomeracións, sobre todo nestes tempos de pandemia sanitaria, a exposición quedará de forma permanente no local do Club de Xubilados en Aldeagrande e poderá visitarse todos os domingos, en horario de 17:00 a 20:00 horas. A exposición recolle fotografías cedidas por: Josefa Lorenzo López, Antonio Romero García, Francisco González Santos, María Cristina Rey Castro, José Manuel Pérez Gómez, Carmen Gómez Romero, María Isabel Figueira Romero, Dolores González Castro, Ángeles Ronquete Romero, José Antonio Ces Barreiro, José Manuel Outeiral Castro, Francisco Avelino García Nieto, Filomena Filgueira Fernández, María Rosa Pilar Freire Carou, “Teresuca”, María Soledad
Souto Lamas, José Lojo Queiro, María Luisa Pazos Suárez e Pilar Lobagueira Villar.
Pero a actividade non se detén con esta mostra, os maiores de Lousame xa teñen no horizonte un novo proxecto no que comezarán a traballar a finais deste verán. Trátase dunha iniciativa audiovisual, que se denominará “Testemuños”, que servirá para dar continuidade a estas dúas exposicións fotográficas e nas que se recollerá en vídeo as vidas dos maiores de Lousame.

Outros artigos

A Marea de Noia require unha inspección da ETAP

O voceiro da Marea de Noia, Manolo Seijas, presentou un escrito ante a inspección de sanidade sobre a auga municipal no que require ao dito departamento unha análise exhaustiva da ETAP (Estación Tratamento de Auga Potábel) para verificar o estado da mesma e do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Todo preparado para a Semana Santa na ría da Estrela

Na ría da Estrela (ría de Muros e Noia) prepararon estes días até os máis miúdos detalles para recibir aos visitantes de Semana Santa. "Aqueles que buscan historia, contorna, gastronomía, atoparano neste roteiro que axunta os concellos de Lousame, Muros, Noia, Porto...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...