Quintana anuncia en Ribeira que haberá campaña de vacinación para mariñeiros

A conselleira do Mar di que o Instituto Social da Mariña está “a ultimar as bases de datos” das tripulacións para comezar.

A conselleira do Mar, Rosa Quintana, acaba de adiantar que o Instituto Social da Mariña ( ISM) está “a ultimar as bases de datos” das tripulacións da frota española para comezar “en breve” o demandado proceso de vacinación dos mariñeiros. Segundo explicou, a dirección xeral de Sanidade trasladoullo de novo ao Ministerio e “tanto a ministra como o resto das comunidades vírono con bos ollos”.

Segundo Quintana, o ISM encargarase da administración das doses, tal e como demandaban tanto desde a Xunta como desde o sector pesqueiro, a través da patronal Cepesca e da a federación nacional de confrarías ( FNCP).

“Propuxemos empezar polos mariñeiros de altura e gran altura e continuar coa baixura. Tamén se van a incluír os mariños que están en mercantes”, engadiu Quintana nunha rolda de prensa nunha visita a Ribeira.