O Salón Principal do Real Club Náutico Portosín acolleu esta mañá a presentación do
Trofeo Fibralar de Motonáutica Inclusiva que terá como punto de arranque a vila
portosinense. O evento, que se incorporou esta tempada ao calendario de competición
da Real Federación Galega de Motonáutica, durará un total de sete meses e en
outubro desvelará ao campións galegos da modalidade.
O acto, presidido polo presidente da entidade portosinense, Jorge Arán, e por seu
Comodoro, Fernando González, serviu para presentar de inmediato o arranque do
Trofeo Fibralar nunha rolda de prensa á que asistiron tamén o concelleiro de deporte
de Porto do Son, Juan Francisco Pouso ou secretario da Real Federeación, Marcos
Caseleiro, entre outros. .“Isto axúdanos a seguir crecendo, nun evento que o próximo
sábado será banco de probas de novos pilotos e coa ilusión de organizar un circuíto
nacional no que somos pioneiros”, declarou Marcos Caseleiro.
O arranque está programado para as 10:30 horas da mañá, na que piloto e copiloto terán que enfrontarse a unha serie de probas de destrezas, nun circuíto marcado pola boias fondeadas desveladas en último momento. A entrega de premio está prevista para as 14:30 horas nas propias instalacións do Real Club Náutico Portosín.
