A morte de Manuel Vilas Sampedro, pai do líder do PSOE de Ribeira, José Manuel Vilas Álvarez, motivou a cancelación do pleno ordinario que a corporación ribeirense ía celebrar esta noite. Coñecido polos seus veciños como Manolo de Vilas, naceu hai 90 anos en Fontán. Home emprendedor e de trato afable, dedicou toda a súa vida ao traballo no mar. Durante o seu últimos vinte anos en activo dedicouse ao marisqueo e á pesca con liña na dorna Iremos.
Traballou en barcos en Holanda e Alemaña. Viuvo desde fai uns dous anos cando sufriu a perda da muller coa que formou unha familia, Ventura Álvarez, e coa que tivo tres fillos. Pertencían ao Club de Xubilados de Aguiño e as fins de semana acudían aos bailes que se realizaban na sede da entidade.
Os seus restos mortais recibirán sepultura hoxe no cemiterio de Frións. Tras o enterro terá lugar, na igrexa de Nosa Señora do Carme de Aguiño, o funeral na súa memoria.
