A Área Cultural de Rianxo vén de anunciar que o coñecido Serán do Patrocinio 2021 levarase a cabo do 23 ao 25 de abril en formato online debido á situación ocasionada pola COVID-19.
A iniciativa, da man da Asociación Fogo Fatuo Rianxo, pretende amosar gran parte do que fan e achegar ás casas de tódolos veciños a música e o baile tradicional. Así, o renovado Serán do Patrocinio terá como plataforma de difusión a Youtube, dende onde se poderá seguir a actividade da asociación.