Boiro Emerxe, o faladoiro dirixido por Charo Lópes, traerá un novo evento cultural á planta baixa da Casa Consistorial o vindeiro venres 16, ás 20:00 horas.
O acto trata dun faladoiro de conversas coa mocidade do municipio que ten como obxectivo dar a coñecer o potencial creativo dos boirenses. Na xornada participarán Charo Lopez, escritora e fotógrafa; Triángulo de Amor Bizarro, un grupo profesional de música alternativa; Comoxo organics, proxecto de produción primaria no rural; Bacharelato de artes (IES Espiñeira) e Charlatana, unha cooperativa galega.
O evento realizarase respectando as capacidades máximas decretadas polas autoridades sanitarias, así como se retransmitirá en directo a través da canle de Youtube do Concello.
