O Concello de Porto do Son organiza a actividade Bailoterapia

O Concello de Porto do Son organiza a actividade Bailoterapia, coa que pretende manter aos maiores activos. De feito, na iniciativa poden participar os pensionistas de máis de 55 anos e as persoas de a partir de 60.

A actividade comezará o luns 19 de abril e celebrarase en distintos espazos da localidade. O Polideportivo de Santa Irene en Porto do Son será o primeiro en recibila. Así, realizarase o luns ás 18:00 horas. O mércores impartirase en Xuño, no polideportivo do Colexio ás 18:30 horas. Por último, o xoves levarase a cabo na Casa da Cultura de San Pedro, tamén ás 18:30 horas.

Aqueles que precisen máis información poderán consultar a web do Concello ou chamar á Consellería de Benestar Social.