O alcalde de Boiro mantivo unha xuntanza co Conselleiro de Sanidade para traballar en conxunto

11 Abril 2021

O alcalde de Boiro, Ramón Romero, mantivo esta semana unha xuntanza co Conselleiro de Sanidade, Julio Comesaña. Foi a primeira xuntanza dende que o Conselleiro tomou posesión do cargo e nela trazáronse liñas de traballo conxunto entre as dúas administracións en materia de sanidade no municipio.
Na xuntanza o Alcalde expresoulle a súa preocupación polas situación derivada da Covid-19 e o aumento do número de contaxios. Sanidade vai realizar durante esta fin de semana un cribado masivo a unhas 4.000 persoas da franxa de idade comprendida entre os 30 e os 45 anos para detectar posibles casos asintomáticos e frear a expansión do virus.
Na xuntanza falouse tamén da vacinación prevista para os membros da Policía Local e Protección Civil de Boiro. O alcalde, José Ramón Romero, interesouse tamén polo estado das instalacións Sanitarias que hai no municipio
e as tarefas de mantemento e acondicionamento que requiren para mellorar as súas condicións.
O alcalde e o conselleiro de Sanidade acordaron manter os contactos para traballar en conxunto para atender as demandas e necesidades da veciñanza e ofrecer a mellor calidade asistencial posible, con especial interese na atención primaria que se presta no municipio.

Outros artigos

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...