Este sábado 24 de abril, con motivo do centenario da construción do Teatro Coliseo Noela, celebrouse un acto institucional no que participaron representantes do Concello de Noia e dos ámbitos culturais do municipio, conmemorando a importancia do histórico auditorio. O acto estivo conducido por Ricardo de Barreiro e amenizado coas intervencións musicais dos artistas locais Esperanza Mara, J. M. Barreiro “Sechu”, Juanma Varela e Fernando Docampo.
A gala, que tamén foi unha homenaxe ao xénero popular da Zarzuela, celebrouse en dúas quendas, co fin de dar cabida á meirande cantidade de público ao mesmo tempo que se garantían as máis estritas disposicións de seguridade sanitaria. As celebracións proseguiron o domingo cun concreto a cargo do cantautor Andrés Suárez.