Na segunda xornada de actos conmemorativos do Día Mundial da Terre organizados polo Concello de Ribeira, a bióloga Odile Rodríguez de la Fuente tivo a oportunidade de trabar contacto coa comunidade educativa do noso
municipio a través dunha exitosa charla-coloquio ofrecida no CEIP Frións na que a filla do recordado Félix Rodríguez de la Fuente.
A actividade, emitida en streaming, foi contemplada en directo polo alumnado doutros centros educativos como os CEIP de Olveira e Palmeira ou o colexio Bayón.
Pedra da Ra
Acto seguido, Odile desprazouse ata o miradoiro de Pedra da Ra, onde puido contemplar o parque natural de Corrubedo e a ría de Arousa, estando acompañada entre outros polo alcalde Manuel Ruiz; e a continuación zarpou dende o porto de Aguiño (aínda tivo tempo de ver tamén o interior da lonxa da localidade) cara á illa de Sálvora.
Nesta xoia do Parque Nacional das Illas Atlánticas a bióloga coñeceu distintos enclaves como o pazo de Sálvora, a fonte da Telleira ou a aldea, onde plantou man a man coa directora xeral de Conservación da Natureza da Xunta, Belén Docampo, unha maceira.
Exerceu de guía pola illa o director do campo, José Antonio Fernández Bouzas.
