Co gallo das obras de renovación de beirarrúas na avenida da Coruña que se están a realizar, o Concello de Ribeira informa de que se está procedendo a substituír diversas especies arbóreas por outras máis axeitadas para
o mantemento das infraestruturas e mobiliario urbano.
En concreto, estanse a suplantar catro magnolios (as raíces estaban levantando o firme anterior), ademais dun arce e dúas catalpas. No canto dos mesmos vanse plantar photinias en igual número que as unidades retiradas.
Cómpre lembrar que fai unhas semanas plantáronse máis de corenta palmitos na cercana avenida das Carolinas.
