A Xunta vén de eliminar dous puntos de vertidos de augas residuais a través do muro de contención á ría de Arousa, no concello de Boiro.
Os inspectores do Plan de Control de Vertidos, desenvolvido desde Augas de Galicia, localizaron estes focos contaminantes no marco das inspección rutineiras que veñen realizando en distintos concellos.
O persoal da Xunta identificou a orixe deste foco nas fisuras de dous pozos da rede de sumidoiros municipal.
A Xunta solicitoulle ao Concello a realización de actuacións para a emenda destes vertidos, quen procedeu á implantación dun tramo de colector novo.
Os técnicos de Augas de Galicia realizaron unha recente inspección na que corroboraron a corrección das deficiencias identificadas nos puntos.
