A Asemblea Local de Cruz Vermella en Boiro e a conserveira local JEALSA renovaron o convenio de colaboración para seguir co proxecto Ludieduca, co fin de fomentar a participación na sociedade e a educación en valores dos máis pequenos a través de actividades lúdico-educativas.
Dende o comezo da crise da COVID-19, Cruz Vermella Cruz está a actuar en todos os países do mundo afectados, representando a maior mobilización de recursos, capacidades e persoas na súa historia en favor das persoas máis vulnerábeis e da poboación xeral. Do mesmo xeito, JEALSA aposta pola innovación e pola diversificación, sendo un dos principais produtores a nivel mundial.
Neste contexto nace o proxecto Ludieduca en 2012 como experiencia piloto da asemblea de Cruz Vermella en Boiro, desenvolvéndose na actualidade en oito centros de Educación Infantil e Primaria de Pobra do Caramiñal e Boiro. Así, os nenos e nenas de 8 e 9 anos traballan temáticas diversas como a igualdade, a integración de persoas inmigrantes, a alimentación e os hábitos de vida saudábeis ou o medio ambiente. Ademais, realizan accións de lecer e tempo libre fóra do centro educativo e unha excursión cultural anual.
A directora de Relacións Institucionais de JEALSA, Margarita Hermo, sinalou este 13 de abril, trala sinatura formal do convenio, que este encádrase nos obxectivos do programa de responsabilidade social corporativa WeSea, “que pretende apostar por un modelo social que contribúa a unha educación en valores e a unha infancia máis saudábel”. Un compromiso que ten un valor engadido nun momento como o que se está a vivir, engadiu.
