O Concello de Boiro, xunto co Club de Natación Boiro e a Federación Galega de Triatlón, organiza o vindeiro sábado día 1 de maio o Campionato Galego de Duatlón no municipio.
A competición absoluta contará cun máximo de 100 inscricións para as categorías masculinas e outras 100 para a feminina, nas que participarán competidores do club e que o presidente do Club Natación, José Blanco, resaltou que “existen posibilidades de acadar un bo posto na proba”.
A carreira constará de dous circuítos para carreira e un para bicicleta e a transición entre un e outro será na Boqueira de A Negral. “Resulta complicado nun primeiro momento realizar unha proba destas características adaptada á situación actual seguindo todas as medidas de seguridade”, destacou a representante da Federación, Bárbara Carbajales.
A realización da proba ocasionará un cortado de tráfico durante a súa celebración, entre as 16:00 e as 20:00 horas do sábado, como así informou a Policía Local. O corte afectará á Avenida da Constitución no carril de baixada entre a rotonda de Abanqueiro e a rotonda da Avenida Compostela. No carril de subida o corte será entre a rotonda da Avenida de Compostela e o cruce con Robustiano Pérez del Río.
Por último, a proba provocará que o estacionamento nas zonas laterais de ambas marxes da Avenida da Constitución, no tramo comprendido entre as rúas Salvador Allende e Robustiano Pérez del Río estará prohibido a partir das 14:00 horas.
