Esta mañá volveuse a reunir a Comisión de Seguimento da Evolución da COVID-19 en Boiro, co fin de estudar a incidencia da pandemia no municipio e determinar as medidas e restricións específicas para evitar que aumenten os contaxios.
Polo momento, Boiro mantense no nivel de restrición medio.
Na sesión informouse e que nas últimas semanas producíronse varias derivacións para a recollida de lixo a persoas con positivo, que realizan os operarios de Protección Civil, e que coordinan dende o departamento de Servizos Sociais.
Ademais, os axentes da Policía Local de Boiro interpuxeron na última semana 3 denuncias por incumprir as restricións. En concreto, unha delas foi por non respectar o peche perimetral e as outras por incumprir as limitacións de mobilidade e nocturnidade.
