O Concello de Boiro pretende aportar dinamismo e dar impulso ao comercio e hostalería locais a través da adaptación de baixos comerciais e destinalos a vivendas de uso turístico, á vez que se recuperar zonas urbanas.
A proposta poderá saír adiante para aqueles locais que cumpran unha serie de requisitos, como son especificacións técnicas en canto altura ou superficie. Para iso, o Concello de Boiro dará resposta, a través do servizo de información municipal, a todas as dúbidas que as persoas interesadas presenten á hora de converter os locais en vivendas de uso turístico.
O obxectivo desta iniciativa é dar unha segunda vida aos antigos locais á vez que se mellora a imaxe das zonas urbanas, recuperando a estética das rúas, xerar postos de traballo ou reducir a presión económica sobre os pisos dedicados á venda ou aluguer.
Así, tódolos interesados en resolver algunha dúbida con respecto ao tema poderán facelo a través do servizo de consultas que vén de habilitar o Concello de Boiro.
