Boiro prepara a reactivación do mercado ecolóxico e de produtos de proximidade


O Concello de Boiro vén de anunciar que está a traballar na reactivación do mercado ecolóxico no municipio que se viña realizando de xeito puntual na praza da Terceira Idade. O alcalde, José Ramón Romero, e o concelleiro de Comercio, Marcos Fajardo, mantiveron onte unha reunión con algúns dos comerciantes e artesán que teñen
interese en formar parte da iniciativa.


Deste xeito, o Concello pretende potencia o mercado de produtos ecolóxicos e de proximidade, dándolle unha continuidade e establecendo unhas datas concretas cada mes para a celebración desta feira. “Neste momento máis que nunca é importante apostar pola compra de produtos locais, por iso poñemos en marcha a celebración deste mercado”, afirmou Marcos Fajardo.
A data prevista para a volta do mercado é o mes de xuño, algo no que xa están a traballar os comerciantes e a administración para que dous sábados mensuais se poida facer realidade. “Queremos darlle todas as facilidades aos comerciantes para que seestableza esta cita no municipio e que vaia collendo impulso e sirva como reclamo
para consumir en Boiro”, comentou o alcalde José Ramón Romero.