O Parque da Comunicación de Boiro acollerá o acto de plantación dunha árbore en conmemoración a Félix Rodríguez de la Fuente. A cerimonia será este xoves 22 ás 17.30 horas. Desta forma, a encargada de plantar a árbore vai ser a súa filla, Odile Rodríguez de la Fuente, que presentará o seu libro Félix: un hombre en la Tierra.
A cita conta coa colaboración do Club Exxpopress de Xornalistas de Galicia e coincide co Día Mundial da Terra. Ademais, a plantación da árbore vaise realizar no mesmo lugar no que se plantaron árbores en homenaxe a Luis del Olmo, Rosa María Mateo, María Antonia Iglesias, Fernando Ónega, Pepe Domingo Castaño, José María Carrascal, Pedro Piqueras, Ernesto Sáenz de Buruaga, Paloma Gómez, entre outros.
