Barbanza Arousa ofrece un bono turístico para vivir experiencias únicas nos nosos concellos

Mirador de Valle Inclán – A Pobra do Caramiñal

Empresas da contorna de Barbanza Arousa súmanse ao bono turístico co fin de ofrecer a experiencia de coñecer Rianxo, Boiro, A Pobra e Ribeira a tódolos galegos. Así, a oferta inclúe diferentes aloxamentos, dende hoteis ata cámpings, pensión ou apartamentos co obxectivo de mostrar un dos atractivos deste do destino.

A iniciativa foi moi ben acollida por diferentes hoteis, como o Norat Palmeira Playa, Jopi e MS Boiro, así como as pensións Los Trillizos e Balieiros. Ademais adheríronse os apartamentos Apartadiño, e a Aldea Rural Os Muíños e Entre Ríos en canto a turismo rural. Por último os cámpings Ría de Arosa, Ría de Arosa 2 e Coroso tamén poden ser reservados a través do Bono Turísticos lanzado pola mancomunidade.

As axencias de viaxes como Viajes Fontao, Boiro Travel e Aromatur Galicia tamén se unen a esta oferta co fin de ofrecer experiencias cun alto valor engadido relacionados coas vivencias do Camiño de Santiago A Orixe, deportes acuáticos, turismo activo e experiencias gastronómicas.