O Concello de Boiro celebrou na mañá deste 5 de abril unha nova xuntanza de traballo da Comisión de Seguimento da Evolución da COVID-19 para facer unha análise da evolución da enfermidade no municipio.
Na reunión abordouse a incidencia da pandemia así como a determinación de medidas de control da poboación que se van a levar a cabo para evitar contaxios. Así, segundo os datos de Sanidade, o número de positivos aumentou durante a fin de semana no municipio.
Ademais, durante a reunión comentouse a labor da Policía Local, que interpuxo un total de 50 sancións nos últimos días. A infracción máis cometida, un total de 31, foi a de non respectar as limitacións en canto ás agrupacións de persoas, seguido das 14 sanción por fumar sen manter a distancia de seguridade. Nunha menor cantidade foron as 3 impostas por non respectar o peche perimetral da comunidade establecido durante a Semana Santa, e 1 por saltarse o toque de queda.
