Dúas persoas resultaron feridas ao envorcar o vehículo que conducía despois de saírse da vía, cando circulaba pola AG-11, á altura de Cespón, dirección Ribeira, no concello coruñés de Boiro.
Segundo a información facilitada ao 112 Galicia, o vehículo, ao saírse da vía bateu contra a mediana da autovía e envorcou, deixando feridos, un deles de consideración, a ambos os dous ocupantes.
Foron varios os particulares que chamaron ao 112 Galicia, ás 21:30 horas da pasada noite, para pedir axuda e, a partir de aí, os xestores de emerxencias informaron aos servizos sanitarios e aos Bombeiros de Boiro. Así mesmo, deron conta dos feitos, aos axentes de Tráfico e da Policía Local, aos efectivos de Protección Civil de Boiro e ao persoal do servizo de mantemento da vía.
As persoas foron evacuadas polos profesionais sanitarios ao Hospital do Barbanza.
Por otra banda unha dotación de bombeiros do Consorcio Provincial Contraincendios e Salvamento da Coruña con base en Boiro, interviu nun accidente no lugar de Landeiras, parroquia de Bealo no Concello de Boiro.
