“Abraio no sector pesqueiro, que non participa na nova lei de pesca”. Antón Luaces

22 Abril 2021

A Lei de Pesca Sostible e Investigacións Pesqueiras que, teoricamente, redacta nestes momentos o Ministerio de Agricultura, Pesca e Alimentación, e que posiblemente entrará en vigor en xaneiro de 2022, xestase sen contar co consenso do sector pesqueiro español, ao que nada consultou.
O borrador inicial desta Lei, cando se deu a coñecer no mes de xaneiro último, establecía que a mesma sería sometida a consulta pública antes de transformarse nunha norma que poida conxugar a necesaria protección ambiental coa tamén necesaria sustentabilidade económica e social.

A futura Lei -segundo manifestacións do ministro de Agricultura, Pesca e Alimentación, Luís Planas- será un instrumento eficaz para alcanzar a modernización do sector pesqueiro español e garantir a súa continuidade para lograr un aproveitamento óptimo e duradeiro dos recursos mariños. (Díxoo na súa primeira visita á Mariña de Lugo). E o propio Ministerio destacaba entón que se efectuaría unha consulta pública para solicitar a opinión de cidadáns e das asociacións e organizacións máis representativas potencialmente afectadas pola futura norma.
Este trámite incumpriuse, segundo fontes do sector pesqueiro consultadas por este diario, que se refiren á existencia dun documento de tres páxinas que “non di nada”. O borrador da nova Lei non se enviará ao sector ata que o aprobe en consello de ministros, unha “nova” modalidade de consenso que ninguén entende e na que o departamento ministerial de Luís Planas non puido introducir opinión algunha de cidadáns, asociacións e organizacións porque estas representacións do sector pesqueiro descoñecen oficialmente o que os ministros poidan aprobar en máis ou menos próximas datas.

Por moito que se tente reservar para o Consello de Ministros o debate desa futura Lei de Pesca, entre os representantes do sector si circulou extraoficialmente o texto. E a opinión é que “hai cousas que gustan e cousas que non gustan”. De calquera modo, tampouco preocupa excesivamente ao sector, convencido como está este de que “non vai ser o último borrador de lei”.
Talvez poida transcender algo máis na reunión que representantes dos armadores de pesca españois manterán a próxima semana coa secretaria xeral de Pesca.

O anteproxecto da Lei de Pesca Sostible que circulaba ata o de agora grazas ao propio Ministerio, “busca” na súa vertente social compatibilizar o dereito dos profesionais do sector para explotar os recursos e a obrigación do Estado de garantir e amparar o fin común e ambiental dos mesmos.
Para o Goberno, a función económica da pesca é imprescindible para mellorar o emprego e as condicións de vida da poboación costeira e do medio rural.
O texto do borrador desta nova Lei estruturábase en 10 títulos e 59 artigos, 1 disposición final, 1 disposición derogativa e 2 disposicións finais. De converterse -cousa moi dubidosa- no texto final da Lei, esta entrará en vigor en xaneiro de 2022. Mentres tanto, o sector pesqueiro mantense á expectativa, por se soa a gaita e consúltaselle respecto diso.

Outros artigos

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

+

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...

+

El voto del BNG avala a Maduro”. José Castro López

El pasado día 17 el presidente venezolano, Nicolás Maduro, fue proclamado candidatodel chavismo para las elecciones de julio. Tres días después la Alta Comisionada de lasNaciones Unidas para los Derechos Humanos pedía un proceso electoral “transparente,inclusivo y...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...