A Pobra entra en risco extremo da COVID segundo o mapa municipal de incidencia acumulada

A Pobra suma 17 positivos na última semana, polo menos sete deles coñecidos hoxe. Isto fai que a súa incidencia acumulada semanal supere os 125 positivos por 100.000 habitantes á semana, o que a coloca en risco extremo no semáforo de alertas estatal para este indicador, en vermello no mapa.

Os outros municipios, xunto coa Pobra, que están en risco extremo son Gondomar, O Grove, Frades, Carral, Bóveda e Pedrafita. Aínda peor están O Irixo e Pobra do Brollón, cunha incidencia acumulada semanal superior a 250, en negro no mapa. Este é o nivel para partir do cal a Xunta adoita impoñer perímetros municipais, como o vixente en Pobra do Brollón, debido a varios focos familaires.