A Deputación da Coruña destina este ano 368.500 euros para o mantemento dos conservatorios e escolas de música e danza. Esta información, que publicouse hoxe no BOP, está dirixida a 29 concellos da provincia.
Sandra González, a deputada de Educación, afirmou que “a través desta liña quérese dar apoio á formación artística nas diferentes escolas e conservatorios da provincia. Ademais, estes espazos son puntos de encontro para a cidadanía e neles medran futuros artistas”. Doutra banda, a deputada sinalou que “as axudas responden á filosofía da Deputación de facer accesible a formación cultural máis alá das grandes cidades, permitindo que pequenos e medianos concellos podan ofrecer tamén estes servizos”.
Entre as entidades beneficiadas atópanse varias da comarca de Barbanza, concretamente de Lousame, Muros, Noia, Porto do Son e Ribeira. As axudas nestes municipios oscilan entre 8.500 e 20.000 euros.
