A Biblioteca Brea Segade (BBS) do CEP de Taragoña vén de poñer en marcha un blog dedicado á escritora sarriá Xela Arias, homenaxeada na festa das Letras Galegas 2021.
A BBS continúa así outro ano máis coa iniciativa de publicar e enlazar recursos e materiais para descubrir, nas aulas e nas casas, a vida e a obra da escritora. Neste caso trátase de Xela Arias, poeta, tradutora, editora e profesora natural de Sarria (Lugo). Ademais, a páxina permite aos usuarios realizar comentarios co fin de aumentar a riqueza dos contidos e o coñecemento literario.