A ANPA do CEIPP de Palmeira vai achegar os días vindeiros dúas relevantes actividades destinadas a fomentar contidos non discriminatorios e programadas ao abeiro da subvención obtida Secretaria Xeral de Igualdade (no marco das axudas para asociacións de nais e pais de centros educativos galegos dirixidas a previr a violencia de xénero).
As actividades, organizadas en colaboración co CEIPP de Palmeira e o Concello de Ribeira, están a dirixidas á rapazada (a primeira) e tamén ás nais e aos pais (a segunda). Trátase da obra de teatro Mai Mai e da charla Pornografía: aprendendo da cultura da violación.
· A obra de teatro Mai Mai, da compañía Baobab Teatro, será o vindeiro mércores 5 de maio do 2021, ás 17.30 horas no Auditorio Municipal de Ribeira.
· A charla formativa e divulgativa Pornografía: aprendendo da cultura da violación será impartida pola Asociación Lilith, o 26 de maio ás 16.30 horas na Sala de Usos Múltiples do CEIPP de Palmeira.
