15 mulleres de Boiro e Ribeira participarán nunha xornada de insercción laboral da Asociación Amicos

A aula de Conferencias do Centro Cultural Lustres Rivas do Concello de Ribeira acolleu esta semana un grupo de 15 mulleres participantes no Programa Integrado de Emprego da Asoaciación Amicos 20-21 no que puideron coñecer de primeira man cales son as competencias necesarias para a consecución e mantemento dun emprego dende
un punto de vista directivo.
Juan Carlos Rama, director RRHH de Congalsa, fíxolles chegar a visión sobre que é o que busca unha gran empresa á hora de incorporar persoas. Esta perspectiva, veu a complementar as accións de orientación e formación que están a recibir as participantes neste programa integrado de emprego onde un total de 100 mulleres están a participar co obxetivo de acadar unha oportunidade laboral.
Ademais da orientación e asesoramento en prol da súa inserción laboral, ao largo destes meses recibirán tamén formación en ámbitos como as novas tecnoloxías, idiomas, técnicas de coaching, intelixencia emocional, motivación, fomento da capacidade emprendedora ou a prospección empresarial.
PROGRAMAS INTEGRADOS DE EMPREGO
Os programas integrados de emprego son instrumentos dirixidos á mellora da ocupabilidade e á inserción laboral, durante un período de 12 meses de persoas demandantes en situación de desemprego no ámbito da Comunidade Autónoma de Galicia.
Este programa, financiado polo Ministerio de Traballo, Migracións e Seguridade Social e pola Consellería de Economía, Empresa e Innovación da Xunta de Galicia estará en funcionamento hasta o vindeiro mes de novembro. A día de hoxe, leva prestadas máis de 500 sesións de orientación, con máis de 300 horas de formación e xa leva acadadas un 20% de inserción laboral das participantes.
Dende Amicos facemos un chamamento para que tanto mulleres interesadas no programa coma empresas que necesiten incorporar persoas conten e se poñan en contacto coa nosa Área de Emprego.