As autoridades sanitarias han informado na tarde deste luns doutros tres falecementos de persoas diagnosticadas con covid-19, o que eleva a 2.278 as vítimas mortais ligadas coa pandemia en Galicia.
En concreto, as tres mortes das que informa Sanidade producíronse este domingo: unha anciá de 85 anos no Hospital Universitario Lucus Augusti ( HULA), outra muller de 74 anos no Complexo Hospitalario Universitario de Santiago (CHUS) e un home de 78 no Complexo Hospitalario de Pontevedra (CHOP). Todos tiñan patoloxías previas.
Previamente, na mañá deste luns informouse doutros sete falecementos. Todos se rexistraron entre o venres e o domingo, e trátase de homes entre os 67 e os 92 anos de idade, tamén con patoloxías previas.
Por outra banda o cribado poboacional a persoas con idades comprendidas entre os 31 e 50 anos do Porto do Son tivo unha participación do 72% cun resultado de 0 positivos.
