O programa Abril dos Libros traerá espectáculos culturais a todas as parroquias de Ribeira

26 Marzo 2021

Neste comezo da primavera, Ribeira será un fervedoiro cultural. Así o informaron as concelleiras de Cultura e Educación, María Sampedro e Juana Brión, durante a presentación do programa de eventos Abril dos Libros, unha iniciativa que xorde da unión de forzas de ambos departamentos e que incluirá a cifra destacada de dez propostas culturais co obxectivo común de promover a lectura e reivindicar o poder curativo da literatura. Será ademais unha axenda descentralizada: Abril dos Libros chegará a todos os recantos do concello.

Segundo fixeron saber, o programa estará dirixido maioritariamente a público infantil-familiar pero “tamén haberá algunha que outra proposta para público adulto”.

Todas as funcións serán con aforo reducido, con agrupación por convivintes mantendo a distancia de seguridade, así como o resto do dispositivo de prevención implementado nas instalacións culturais.

Como dixemos, achegaranse dez propostas culturais, dúas delas para adultos e oito para público infantil e familiar, segundo explicou María Sampedro. Os espectáculos para público familiar celebraranse todos os sábados do mes de abril, polas mañás ás doce no Centro Cultural Lustres Rivas e polas tardes ás sete en distintas parroquias do municipio para así descentralizar a programación e tratar de chegar a todos os veciños e veciñas.

Os sábados ás doce actuarán Atenea García co espectáculo Utopías, Raquel Queizás co Segredo do Tendal, Talía Teatro con Rosa Caramelo e Polo correo do vento con Protexendo o camiño.

Polas tardes as sesións serán o sábado 3 na parroquia de Carreira coa obra Aldara na montaña, de Soraya Lema; o sábado 10 no Centro Social de Oleiros co espectáculo Debulendo lendas de Títeres Tarabelos; o sábado 17 chegará á Casa do Mar de Corrubedo a compañía Pérez&Fernández e o sábado 24 desembarcará en Aguiño na Aula de Música o artista Magín Blanco coa obra O que levamos nas maletas.

En canto ás citas para público adulto chegará a Ribeira o venres 23 a nova produción de Excéntricas titulada Estrela do Día, un espectáculo escrito polo autor local Quico Cadaval e baseado nos milagres das Cantigas de Santa María de Alfonso X O Sabio, un dos primeiros manuscritos galaico-portugueses do que temos constancia. A obra, que combina “música, humor, e algo de drama”, chega a Ribeira coa colaboración e o patrocinio da Deputación da Coruña.

Segundo fixeron saber as concelleiras, abril pechará “cun evento moi agardado”, como é a presentación literaria da novela Celada de Antonio Piñeiro, que foi a obra gañadora da sétima edición do Concurso de Novela Curta Cidade Centenaria de Ribeira.

Todos os espectáculos e eventos, tanto os de adultos como de público familiar, requirirán de inscrición previa. Para iso, na semana de cada sesión as persoas interesadas deberán enviar un correo electrónico a culturaefestexos@ribeira.gal indicando o número de asistentes, relación de convivintes, nome e apelidos e teléfono de contacto, e posteriormente a Concellería de Cultura confirmará a dispoñibilidade.

Ademais, segundo avanzou Juana Brión, para esta Semana Santa estase a organizar un Láser Tag, que é un xogo de cooperación e competición na liña do paintball, pero con láser en vez de bolas. A edil recalcou que “é unha actividade totalmente inofensiva e seguindo os protocolos COVID que se desenvolverá nas distintas parroquias”.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...