No Son máis dun centenar de persoas autónomas e empresas recibirán as axudas PEL-Reactiva

O Concello de Porto do Son vén de publicar no taboleiro e na sede electrónica a resolución definitiva das axudas PEL Reactiva, impulsadas pola Deputación e destinadas a paliar as consecuencias económicas das empresas e as persoas autónomas derivadas da pandemia da COVID- 19.

En liñas xerais, Porto do Son destinará 172.500 euros ás axudas concedidas. De feito, máis de un centenar de autónomos e empresas sonenses recibirán achegas que oscilarán entre os 1.500 e os 3.000 euros.

No grupo 1 (apto para microempresas e autónomos) pediron as axudas 84 beneficiarios, mentres que no 2 e no 3 (ao que pertencen os traballadores que se viron afectados polo peche e os ERTES), soamente 9.

Os solicitantes deberán xustificar os gastos subvencionábeis antes do 31 de marzo para poder recibir o importe concedido.