Na Pobra entrégase a viaxe familiar a Eurodisney da campaña de Nadal

11 Marzo 2021

O Concello da Pobra entregou este 11 de marzo un dos grandes premios da campaña Raña e gaña, que se desenvolveu no Nadal co obxectivo de impulsar o comercio de proximidade e premiar a fidelidade da cidadanía aos establecementos da súa contorna. Estamos a falar da viaxe familiar a Eurodisney, que foi entregado a María de los Ángeles Davila Ouviña de mans do alcalde Xosé Lois Piñeiro, da directora das relacións externas de CONGALSA, Isabel Cañas; e da representante do establecemento local do téxtil Mi barquito de papel onde se distribuíu a tarxeta, Ana Boo.

O Concello lembrou que “a situación epidemiolóxica e os casos que rexistraba o municipio a comezos deste 2021 propiciou que se tivese que pospor este acto ata o presente mes de marzo”.

O rexedor destacou “o éxito que tivo a campaña”, axudando “a que a xente mercase no comercio local, que o coñecese mellor e que, polo tanto, pensase nel cando planifica as súas compras”.

Pola súa parte, a directora das relacións externas de CONGALSA, Isabel Cañas, salientou a orixinalidade e os beneficios da campaña dirixida a apoiar o comercio local, “polo que dende o principio tivemos claro que debíamos participar”.

A referida proposta naceu baixo a premisa de dinamizar a economía local. Repartíronse máis de 85 000 rascas nos 71 establecementos comerciais e de servizos do termo municipal entre o día 28 de novembro e o 6 de xaneiro, ambos incluídos, que se traduciu en arredor de 600 agasallos directos por un importe total de case 20.000 euros.

Unha iniciativa que naceu da unión de forzas por parte do Concello, a Asociación de Empresarios da Pobra do Caramiñal, a Asociación do Pequeno Comercio Deán e a Asociación de Profesionais da Praza de Abastos coa colaboración de empresas que quixeron achegar o seu grao de area: CONGALSA, Rianxeira/Escurís, Camping Ría de Arosa, Conservas Ortiz, Conservas Ramón Franco e DS Smith Cartogal.

Dende a Concellaría da Promoción Económica, da cal é titular a edil Charo Varela, enumeráranse como obxectivos desta iniciativa “a xeración de ilusión, ser un grande escaparate dos establecementos e produtos e servizos que ofertan, apoiar un sector imprescindíbel para a vida económica do concello e incentivar o consumo interno ao tempo que se atraen potenciais clientes”.

Outros artigos

Atlántica trae á Pobra dous espectáculos de narración oral

O Festival Atlántica volve levar novas historias a diferentes puntos da xeografía galega e parte da portuguesa no verán deste 2024. Narración oral e paraxes fundiranse unha vez máis con numerosos espectáculos de narración oral. A Pobra do Caramiñal é unha das...

+

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Accidentes na estrada AG11 na Pobra e en Rianxo

Os bombeiros do parque Comarcal Provincial de Boiro foron alertados ás 20.00 horas deste 13 de xuño dun accidente de tráfico na AG11 á altura do punto quilométrico 16 en sentido Ribeira, en Rianxo, ao paso da vía polo lugar de Vilas, na parroquia de Asados. O...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...