Incautados en Ribeira 53 quilos de peixe

A Policía Local de Ribeira procedeu este 11 de marzo á incautación dun total de 53 quilos de peixe que non viñan coa documentación regulamentaria. Foille requisado a un veciño da localidade que carecía da documentación requirida sobre a súa orixe.

O individuo levaba o produto nun carriño pola rúa Galicia. Incautáronse de 26 quilos de pota e 27 quilos de pescadilla tipo carioca.

Todo o peixe foi destinado á residencia de maiores de Ribeira, facéndose efectiva a entrega na tarde de onte.