En Ribeira uns 40 palmitos adornarán o Paseo das Carolinas

Operarios iniciaron esta mañá a plantación de máis de corenta palmitos na mediana central do paseo das Carolinas, dando continuidade así a unha intervención similar levada a cabo en anos pasados no Malecón.
A dotación desta especie arbórea comprende todo o longo da avenida, dende a altura do parque Xoán Fernández ata a intersección situada a uns metros da rotonda de Padín.
A actuación forma parte das obras de reordenación do paseo que están sendo executadas pola empresa Construcciones Ponciano Nieto e comportan un investimento de 440.000 euros financiados por Portos de Galicia, incluíndo tamén a remodelación do parque García Bayón.