O Concello de Boiro, a través do departamento de Medio Ambiente, impartiu charlas sobre educación ambiental nos centros de ensino do municipio. As xornadas celebráronse en varios centros de ensino, para alumnado de cursos comprendidos entre cuarto e sexto sobre a auga e a rede de saneamento.
Un técnico de educación ambiental do Concello de Boiro foi o responsábel do relatorio A auga e a rede de saneamento, no que explicou ao alumnado cales son as distintas fases do abastecemento de auga que compoñen o seu ciclo e describiu os problemas que se poden ocasionar ao mantemento das redes de servizo e saneamento.
O alumnado tivo oportunidade de coñecer como funciona a rede de saneamento con exemplos específicos do concello de Boiro e tamén ver exemplos, co obxectivo de concienciar e influenciar nos cativos uns bos hábitos á hora de coidar a rede de de augas.
