A 2ª Regata Ría de Arousa deu comezo esta fin de semana coa saída nas inmediacións da Pobra. A falta de vento provocou que a saída se retrasara 40 minutos, pero tras unha lixeira brisa de apenas 5 nós o comité decidiu dar inicio á competición.
A tirada, que comezou na Pobra e deu a volta á Illa de Rúa, deixou tramos moi competidos, nos que os favoritos trataron de impoñerse nos primeiros metros. Na clase A Casa da Tía Elisa o primeiro en tempo real foi o Chispetrén, pero non sacou suficiente vantaxe a Cámping Ría de Arosa, a quen lle valeu para levarse a primeira manga.
O mesmo lle ocorreu a A Píllara, do CND Ribeira, que cruzou a liña de meta cun escaso minuto de vantaxe sobre o vilagarciano Fixius que acadou o primeiro posto. Na clase Pazo de Rubianes, O Sampaio, do CN Rianxo, acabou en terceiro lugar nesta clase.
Por último, na clase A Poutada, dominou Piko Norte que demostrou que con pouco vento é un óso para seus rivais, mais o barco rianxeiro San Bernabé púxollo difícil e conseguiu a segunda posición. Piolín, do CN Rianxo, rematou a competición no terceiro posto.
O vindeiro 8 de maior celebrarase a segunda xornada desta Regata que organiza o Club Náutico Arousa Norte e conta co patrocinio de A Casa da Tía Elissa, Pazo de Rubianes e A Poutada.