A asociación inclusiva AMBAR, con sedes principais en Ribeira e A Pobra, está a impulsar un servizo directamente encamiñado a derrubar barreiras en materia laboral para os colectivos aos que dá acubillo a entidade da nosa comarca: o servizo Emprego Ambar. Presentarase este 30 de marzo ás 19.00 horas nunha xornada telemática e en directo. Trátase dunha ferramenta integrada na web de AMBAR que estará dirixida a empresas e particulares, co fin de permitirlles implicarse no obxectivo básico da iniciativa: mellorar a empregabilidade e ocupabilidade das persoas con diversidade funcional e garantir a igualdade de oportunidades no acceso ó emprego na contorna da Barbanza. AMBAR, como lembraremos, é centro colaborador do Servizo Público de Emprego.
Esta acción enmárcase na conmemoración do 2 de abril do Día Mundial da Concienciación
sobre o Autismo baixo o lema Podo aprender, podo traballar.
A presentación realizarse nun vídeo en vivo a través da conta de Instagram da entidade e logo compartirase no resto das canles. Estará guiada por Daniel Tojo, orientador laboral de AMBAR. Nesta sesión, explicarase que é o Servizo de Orientación Laboral e en que pode axudarme como demandante de emprego ou empresa. Ademais aproveitarase para presentar a páxina web de Emprego AMBAR, dispoñíbel xa na Rede. Esta páxina conta conconsellos e información práctica para crear empresas máis inclusivas, a través da adaptabilidade e accesibilidade de postos de traballo, información actualizada das subvencións e ofertas de emprego vixentes. A asociación engade que a web servirá tamén para publicar cada semana un boletín con ofertas e información relevante sobre emprego.
