A mellora do control da pesca mediante o uso da xeolocalización obrigatoria de todos os barcos pesqueiros -profisioinais e recreativos- da Unión Europea conta co apoio do Parlamento Europeo. Así o confirmou a eurodeputada socialista española Clara Aguilera, ponente na Eurocámara sobre o regulamento para modificar o control pesqueiro da UE.
Aguilera subliñou os avances sobre o ditamen parlamentario para a revisión dunha das normativas “máis importantes” da Política Pesqueira Común (PPC).Os acordos acadados polos distintos grupos parlamentarios reflíctense no voto da Comisión de Pesca do Parlamento Europeo, entre estes a imposición da xeolocalización dos buques. Tamén son partidarios de estender a obriga do “diario electrónico” a toda a frota (agora hai excepcións para as embarcacións máis pequenas).O informe aínda ha pasar polo Pleno da Eurocámara o vindeiro 9 de marzo, onde se poden introducir modificacións. Cando a Eurocámara confirme a súa posición, comezará a negociación co Consello da UE (no que figuran os representantes dos Gobernos) e resulta previsible co regulamento non estea listo ao menos ata a primavera de 2022.Aguilera coida que haberá un prazo de transición de catro anos para que o sector se adapte á modernización da normativa e que os cambios tecnolóxicos non deben ter custsos adicionais para os pescadores.O máis controvertido da reforma do control pesqueiro foi a imposición dun sistema de cámaras de vídeo a bordo dos barcos, que a Comisión defendeu para que se instalen “vontariamente” e que o armador que as instale reciban incentivos como, por exemplo, un aumento das cotas.