O Concello da Pobra organiza xunto coa Escola Galega de Saúde para cidadáns un curso de primeiros auxilios o 30 de abril, que se enmarca na programación deseñada para este 2021 no ámbito da aprendizaxe de facilitar o acceso ao mundo laboral.
A acción, dirixida a familiares de pacientes, persoas coidadoras e cidadanía xeral, ten como obxectivos adquirir coñecementos básicos sobre o manexo de situacións que requiran a actuación de primeiros auxilios. Así, o programa focalízase na atención inicial nas situacións de urxencia máis comúns, tales como traumatismos, convulsións, epilepsias, dor torácica, queimaduras…
As clases impartiranse no 30 de abril, en horario de 10:00 a 14:00 horas, na aula multiusos da Casa da Mocidade, cun número de prazas limitadas e baixo as medidas implantadas por mor da COVID-19. Tódalas persoas interesadas poderán formular a súa inscrición dende o 29 de marzo ata o 9 de abril a través do rexistro do Concello, tanto físico como telemático, onde está á disposición o documento de solicitude.
