A Deputación adxudica por 176.300 euros o remate da ponte sobre o rego Pesqueira, en Lousame

10 Marzo 2021

A Deputación da Coruña vén de adxudicar por 176.300 euros os traballos para o remate da nova ponte sobre o rego Pesqueira na DP 4202 de Aldea Grande ao Couto, en Lousame. Segundo lembra a entidade provincial, estas obras ficaran paradas o pasado por mor da quebra da empresa construtora que tiña adxudicadas as tarefas a desenvolver, polo que o departamento provincial de Vías e Obras procedeu á resolución do contrato e redactou os novos proxectos técnicos para continuar e rematar o plan previsto, que agora vén de adxudicarse

Os traballos permitirán ampliar a plataforma da ponte sobre o rego Pesqueira de 5 a 12 metros e ofrecer un itinerario peonil seguro para os veciños.

Segundo engade a Deputación acerca da necesidade de impulsar este proxecto, “as reducidas dimensións da ponte que atravesaba o rego Pesqueira obrigan aos viandantes a circular polas beiravías sen pavimentar ou polo borde da calzada, o cal pon en risco a súa seguridade”. Para remedialo, explica a entidade provincial, “a nova ponte contará con beirarrúas de 2,25 metros de ancho en cada marxe, recubertas con baldosa hidráulica, permitindo así cruzar a pé con total seguridade”.

Amais, o ancho da nova plataforma permitirá a execución de dous carrís de 3,5 metros para a circulación de vehículos.

As obras financiadas pola Deputación incluirán o acondicionamento da estrada DP 4202, para ampliar gradualmente o ancho da calzada até os 12 metros nas inmediacións da nova ponte. Esta será “unha estrutura dun único vano”, respectando a tipoloxía do viaduto actual. Os taboleiros estarán formados por dúas trabes en dobre T sobre as que se disporá unha lousa de formigón armado de 25 cm de espesor.

Así mesmo, formaranse cunetas para evitar a acumulación de auga nos laterais da calzada, e dotarase á ponte dunha sección hidráulica suficiente para facer fronte a grandes cantidades de auga.

Por último, reforzarase a capa de firme tanto nas inmediacións coma na propia ponte, mediante un fresado de profundidade que permita a incorporación dunha capa de base e outra de rodaxe.

Debido a que xa se demoleu a anterior ponte, o tráfico estará cortado nesta estrada, explicou a Deputación, engadindo que “mentres non sexa viábel circular por este treito da DP 4202, derivarase o tráfico polas pistas forestais existentes”.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...