O vindeiro sábado o Concello de Ribeira unirase á conmemoración do Día Internacional da Narración Oral cunha proposta para o público infantil e familiar que correrá a cargo da contacontos Raquel Queizás.
A actividade está dirixida para nenos e nenas a partir dos 3 anos, e terá lugar ás 12 do mediodía no Centro Cultural Lustres Rivas. Desta vez, a conmemoración conta cun manifesto elaborado por Fina Casaderrey, que fai alusión á maxia da narración oral, dende os tempos pasados ata o día de hoxe na nosa vida cotiá. “Contar é o acto de amor máis sublime que un ser humano pode realizar”, alude a escritora no seu manifesto.
Para asistir, tódalas persoas interesadas deberá formular a súa inscrición enviando un correo electrónico co nome e apelidos, teléfono e relación de conviventes a: normalización@ribeira.gal
