A Asociación de Empresarios de Ribeira, satisfeita cos resultados obtidos na Feira de Oportunidades do Pequeno Comercio

12 Marzo 2021

A Asociación de Empresarios de Ribeira fixo balance dunha das súas grandes actividades da tempada: a novena edición da Feira de oportunidades do pequeno comercio e últimas novidades en automoción, que se celebrou a pasada fin de semana (entre o 5 e o 7 de marzo) na praza do Concello, achegando relevantes descontos e promocións baixo as máis estritas medidas de seguridade sanitaria. O obxectivo: brindarlles aos establecementos de Ribeira unha oportunidade para coller impulso neste contexto de desescalada. Segundo fai saber a patronal, desta volta foron oito os comercios participantes e dúas florarías as que participaron, ás que se sumaron seis marcas de automoción con presenza en Ribeira mostrando en detalle os seus novos modelos.

Presentación da feira nos días previos á súa apertura

A asociación deste ano destaca que “este ano, por mor da pandemia de COVID-19, en lugar de concentrar o evento nunha única carpa, optouse por facer que cada establecemento participante ocupase unha carpa individual, con separación entre cada unha delas”. Tamén se contou no recinto cunha entrada e cunha saída independentes, con varios lugares de dispensación de xel desinfectante e cun servizo de seguridade que controlou o aforamento e máis o uso obrigatorio de máscara e de uso xel á entrada da feira.

Inauguración da feira na praza do Concello

“En xeral”, explica a asociación nun comunicado, “podemos dicir que aínda que a afluencia de xente non foi coma noutras edicións, os participantes quedaron contentos, xa que, aínda que non se pode comparar con anos anteriores, todos cumpriron as súas expectativas e esperan volver repetila para o ano”.

A asociación tamén comunicou que segue a traballar en novos proxectos para revitalizar o sector produtivo local, uns proxectos prolongando liñas de acción previas e ouros completamente novos. Estas iniciativas serán presentadas pola entidade empresarial ao longo dos vindeiros días.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...