Até 400 persoas participaron na ruta virtual a favor da Asociación Misela polo 8-M, promovida polo Concello de Noia e Trabandainas
A camiñada solidaria tiña como obxectivo recadar fondos para a Asociación Misela, centrada na inclusión, formación e empregabilidade de persoas con diversidades funcionais e cognitivas.
Despois da ruta, a Asociación Misela recibiu un vale do total recadado: 2.160 euros. Doutra banda, agasallóuselles con xabóns artesáns morados para conmemorar o 8-M.
Ao acto asistiron o alcalde, Santiago Freire, e a concelleira de Deportes, Laura Salgado, ademais de representantes de ambas as asociacións.
