A Consellería de Educación confirma un positivo no CPR Plurilingüe Sagrado Corazón de Xesús de Castiñeiras. O alumno leva sen acudir ás instalacións escolares desde o pasado 22 de febreiro, cando comezou unha corentena por ter contacto directo cun enfermos con covid da súa contorna familiar, e foi ao realizarlle a segunda PCR cando se descubriu que tamén contraera o virus.
Con este enfermo da covid xa son dez os que se vinculan a instalacións docentes da capital ribeirense onde seguen pechadas tres aulas no CEIP de Frións, outra no de Palmeira e outra en O Grupo no que só quedan cinco casos activos. En Noia hai un contaxiado no Felipe de Castro e outro no Campo de San Alberto; e Boiro un positivo no Praia Xardín e outro no IES A Cachada e en A Pobra e Porto do Son teñen un enfermo no instituto.
