O Concello de Rianxo e a Deputación da Coruña acordaron hoxe a renovación do convenio que permite manter os servizos de asesoramento ao municipio en materia de aforro e eficiencia enerxética xestionados pola Fundación Enerxética Provincial da Coruña (FAEPAC), entidade encargada de prestar servizos de asesoría e de análise e control enerxético.
O convenio recolle un plan individualizado de mellora eficiencia enerxética, uso racional da enerxía e fomento de fontes renovables que desenvolverán os técnicos de FAEPAC para favorecer ao municipio de Rianxo. O asesoramento técnico está dirixido ao seguimento e control do consumo de electricidade, auga quente e calefacción do servizos públicos, ademais de manter informado ao concello sobre as modificación
lexislativas e tarifarias, axudas e novo materiais.
O presidente da Deputación da Coruña, González Formoso, destacou que “utilizar o coñecemento da FAEPAC é importante para axudar aos concellos a aforrar na súa factura eléctrica”. Pola súa parte, o alcalde de Rianxo, Adolfo Muíños, declarou que “ a FAEPAC permite plantexar novas estratexias de eficiencia enerxética”.
