Os empresarios da Pobra fan un chamamento a participar na mobilización a prol do sector hostaleiro

23 Febreiro 2021

A Asociación de Empresarios de Pobra do Caramiñal vén de lanzar unha campaña para, nas súas palabras, “reivindicar e esixir un plan de rescate para a hostalería”. A iniciativa S.O.S. Hostalería, que xorde co respaldo de comerciantes e empresarios, é un chamamento de urxencia para pór en marcha medidas reais que eviten o afundimento do sector, e que poña en marcha recursos para axudar a todos os integrantes do ámbito hostaleiro.

A asociación convidou aos negocios en xeral a sumarse á iniciativa e á manifestación popular que se celebra este mércores ás 18.00 partindo dende os semáforos dos Xardíns Valle-Inclán da Pobra até a praza do Concello, “ao obxecto de denunciar a caótica situación do sector hostaleiro” e, tamén, “esixir un plan de rescate específico e xusto”.

Amais, a mobilización diríxese a “reivindicar os establecementos como lugares seguros” e a que non se prosiga criminalizándoos pola crise sanitaria e polos repuntes recentes de contaxio.

A asociación remata o seu comunicado agradecendo o “gran labor da Garda Civil de Boiro, que procedeu á detención e encarceramento de quen, a longo deste último mes, causaron desperfectos e roubos en varios establecementos”.

Outros artigos

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Accidentes na estrada AG11 na Pobra e en Rianxo

Os bombeiros do parque Comarcal Provincial de Boiro foron alertados ás 20.00 horas deste 13 de xuño dun accidente de tráfico na AG11 á altura do punto quilométrico 16 en sentido Ribeira, en Rianxo, ao paso da vía polo lugar de Vilas, na parroquia de Asados. O...

+

O I Trofeo Rodas reunirá a máis dun cento de patinadores na Pobra

Unha nova competición estréase na Pobra do Caramiñal nesta fin de semana. Trátase do I Trofeo Rodas / Niveis Patinaxe Artística. Aproximadamente 130 patinadores e patinadoras de categorías base citaranse nesta proba que se desenvolverá no domingo 16, a partir das...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...