O Rotogal Boiro perde en Castelló por 3 a 2

Os de Boiro volven a perder, esta vez fronte o C.V L ´ Illa Grau por 3 a 2. Un encontro que estivo marcado pola irregularidade e que deixa o Rotogal máis preto dos postos de descenso.

O partido resultou estar moi igualado. De feito, o primeiro cuarto favoreceu ós galegos por 21-25, ao igual que o terceiro set, no que gañaron por 20–25. Mentres, os demais cuartos do partido foron para o C.V L´ Illa Grau.

Como de costume, os de Emilio Palacios fixeron grandes bloqueos. De feito, nas estatísticas pódese apreciar. Os locais quedáronse curtos nesta tarefa, con 2 bloqueos fronte ós 10 do equipo visitante.

En xeral foi un partido difícil e axustado. Destacou a participación de Nacho Espelt, que foi considerado o mellor home do partido. Polo momento haberá que esperar ata a semana que ven para recibir máis novas.