O Grupo de Ribeira ampliará dependencias coas vellas instalacións da Comisaría


A instalación da actual comisaría baixo xurisdición do Ministerio do Interior, podría pasar a depender da Consellería de Educación e o alcalde ribeirense, Manuel Ruiz, confía en que ese procedemento burocrático que se puide facer este ano permitiría aumentalas dependencias do Grupo Escolar. Explica o mandatario ribeirense que competiría á Xunta de Galicia facer os arranxos correspondentes na dependencia para que poida destinarse a fins educativos. O colexio O Grupo faría uso das instalacións, xa que ten un elevado número de alumnos distribuídos en dous inmobles dentro do propio recinto. A falta de espazo do centro formativo forzou a súa reestruturación en diversos momentos para dar cabida a todas as necesidades que foron xurdindo como, por exemplo, foi no seu día a posta en marcha do servizo de comedor.

A actual Comisaría de Ribeira, que pronto pasará as súas novas dependencias, ocupa o antiguo edificio do “Frente de Juventudes” construído na década dos cincoenta do século pasado para acoller a sede da OJE, Organización Juvenil Española, edificio que foi reformado na década dos setenta para inicialmente facer un Club Xuvenil e posteriormente sería utilizado como sede da Comisaría de Ribeira.