O xurado do concurso fotográfico Choqueirada na casa reuniuse na tarde deste venres 26 para determina-las imaxes gañadoras desta proposta que se concibiu para o Entroido pobrense neste 2021. Os premios consisten en vales de compra para utilizar nos estabelecementos locais que participan nesta iniciativa. Para as modalidades infantil, xuvenil, adulta e familiar estabelécense 3 premios (primeiro de 200 euros, segundo de 150 e terceiro de 100); mentres que a foto antiga ten o premio especial de 200 euros.
Das máis de cen fotografías presentadas, o xurado ditaminou que as distincións recaesen da seguinte maneira: na categoría infantil, o primeiro galardón é para ‘A raíña das flores murchas’, o segundo para ‘Sra. Marquesa’ e o terceiro para ‘A vella do visillo’; na xuvenil, ‘Unha vella nos tempos da COVID’ queda de primeira e os outros dous quedan sen adxudicar por non se presentaren máis fotos; na adulta, ‘Moscón Fardón’ leva o primeiro posto, seguido de ‘A ladroa dos calcetíns da lavadora’ e de ‘A Queen da casa’. No que respecta á familiar, o ouro vai parar a ‘A familia Trapisonda’, a prata a ‘El inviolable’ e o bronce a ‘Secretos de choqueiros confinados’. Por outra banda, o premio especial á imaxe antiga
outórgaselle a ‘Luces de bohemia nos Xardíns de Valle-Inclán’.
Organizada pola Concellaría da Cultura, da cal e titular a edil Patricia Lojo
(PSdeG-PSOE), esta iniciativa botou a andar coa pretensión de conxuga-lo
desfrute da tradición entroideira co feito de pór en valor a recuperación da figura do choqueiro respectando as medidas sanitarias adoptadas debido á COVID-19.
Aberto o prazo de inscrición na reunión sobre dixitalización para negocios da Pobra
A Concellaría da Promoción Económica da Pobra do Caramiñal xa se atopa inmersa na organización da xornada explicativa do día 24 de abril, no Coworking da localidade, dirixida ao sector comercial, hostaleiro e pequenas empresas do municipio con relación a servizos de...