O CEIDA festexa o Día Mundial das Pradeiras Mariñas cun programa de educación ambiental

28 Febreiro 2021

Co gallo da celebración do Día Mundial das Pradeiras Mariñas, que se celebrará este luns 1 de marzo, 75 alumnos e alumnas do CEIP Ría do Burgo visitarán co equipo educativo do Centro de Extensión Universitaria e Divulgación Ambiental de Galicia (CEIDA) en Oleiros (A Coruña) para estudar a pradeira mariña rexenerada de xeito natural.

Cómpre dicir que esta actividade está inserida no programa Pradeiras Mariñas, Tesouros de Biodiversidade, un programa piloto do CEIDA que quer dar a coñecer as pradeiras mariñas da beiramar galega.

Este proxecto xa contou coa participación de máis de 800 estudantes dende o mes de outubro procedentes de centros educativos de Redondela, Bueu, Pontedeume, Moaña, Ares, Rianxo, Vigo, A Coruña, Carballo, Malpica, Nigrán e Culleredo.

Indo á parte máis técnica, sinalar que as pradeiras de fanerógamas mariñas teñen moita importancia ecolóxica, xa que achegan alimento, refuxio e hábitat de cría para un grande número de organismos; son estabilizadoras das praias e da costa contra a erosión mariña; absorben CO2 da atmosfera e osixenan as augas… polo que tamén son ben relevantes para o ser humano, mesmo dende o punto de vista económico, xa que moitas das especies dependentes das pradeiras son explotadas comercialmente polas pesqueiras. Nun estudo realizado pola Fundación Biodiversidad sobre a avaliación dos servizos dos ecosistemas mariños, estiman que o valor económico das pradeiras mariñas de toda España como sumidoiros de carbono é de arredor de dez millóns de euros. Malia os seus beneficios, as pradeiras mariñas son descoñecidas pola sociedade e mesmo consideradas “malas herbas”.

O programa educativo Pradeiras Mariñas, Tesouros de Biodiversidade, pretende afondar no seu

seguimento, protección e conservación, para iso conta con actividades en aula e de seguimento científico de pradeiras por parte dos escolares ao longo da beiramar galega. Nesta última actividade aprenden a identificar que especies de fanerógamas mariñas están presentes na súa pradeira; estudan a densidade, a cobertura, a lonxitude das follas, a floración…; e son testemuña das ameazas existentes no territorio, facendo especial fincapé na súa conservación.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...