A borrasca ‘ Karim’ que afecta a Galicia desde o venres deixou ao longo da madrugada do sábado precipitacións que superaron os 65 litros por metro cadrado nos municipios coruñeses e ventos de 157,7 km/h en Vimianzo.
As medicións da comarca indican que Sálvora chegou ós 125, 6 quilómetros/hora; a Muralla en Lousame acadou os 98,7 quilómetros/hora e Corrubedo chegou ós 94,8 quilómetros/hora.
Segundo a información do CIAE 112-Galicia, por provincias, a da Coruña foi a que levou a peor parte, cun total de 104 incidencias rexistradas, mentres que na provincia de Pontevedra houbo 89, na de Lugo 17 e na de Ourense 10. Por fortuna, non houbo que lamentar incidencias de gravidade.
En canto aos concellos, na provincia da Coruña destaca o de Ribeira, con 11 incidencias contabilizadas, catro no de Ames e Narón, respectivamente, e tres no Concello de Muros. Na provincia de Pontevedra destaca o Concello de Vigo, con cinco incidencias rexistradas, o de Cangas, con catro, e os de Pontevedra e Ponteareas, con tres cada un.
Na comarca contenedores de lixo tumbados, árbores caidas, cortes puntuais de luz, obxectos caídos e intervencións de dotación de bombeiros con base en Boiro e Ribeira interviron esta mañá na retirada de planchas e aseguramento de estrutura en valla publicitaria en Cimadevila no Concello de Boiro. Colaboran Policía Local de Boiro e Garda Civil de Boiro.
Tamén Bombeiros de Ribeira e Protección Civil de Porto do Son tiveron que desprazarse á zona sonense de San Pedro de Muro, onde unha árbore veu abaixo e acabou cruzado sobre as DP-7103, o que obrigou a cortar a circulación temporalmente.
NO MAR
A Axencia Estatal de Meteoroloxía (AEMET) informa da actualización do episodio meteorolóxico adverso de nivel laranxa no mar.
Agárdadase que ata últimas horas da tarde de hoxe sábado, o litoral de A Coruña e Pontevedra contínuen en nivel laranxa, con ondas que poden alcanzar os 7 m . Agárdase que a partir do mediodía vaian aimanando.
